Futures Cup халықаралық турнирінде үш отандасымыз жеңіске жетті
Бүгін, 8 наурыз күні Бангкок қаласында 3 отандасымыз алғашқы жекпе-жектерін өткізіп, келесі кезеңге өтті.
Күндізгі сессия. 09:00
В рингі. 5-жұп. 54 келі. 1/16 финал Марал Төлепберген - Розие Свейлис (Шотландия) - 5:0
Кешкі сессия. 15:00
В рингі. 3-жұп. 60 келі. 1/32 финал Досжан Жұмақан - Феликс Очиенг Онианго (Кения) - 1-раундта айқын басымдықпен жеңді
В рингі. 10-жұп. 70 келі. 1/32 финал Бибарыс Әшірбай - Мухаммад Мамадалиев (Тәжікстан) - ережені бұзғаны үшін, Тәжікстан спортшысы 3-раундтың соңында шеттетілді
08 March, 2026
10
Futures Cup халықаралық турниріндегі алғашқы қарсыластарымыз белгілі
Бангкокта (Таиланд) World Boxing федерациясының ұйымдастыруымен бокстан 19 жасқа дейінгі спортшылар арасындағы Futures Cup халықаралық турнирінің жеребесі өтті.
Ерлер.
50 келі. 1/16 финал Арман Мырсабит - Осамах Әлхалди (Иордания)/Шалва Беридзе (Грузия) жұбының жеңімпазымен кездеседі.
55 келі. 1/32 финал Едіге Нұрғожа - Джастин Монталво (Пуэрто-Рико)
Айта кетейік, турнир 8-15 наурыз аралығында өтеді.
07 March, 2026
14
Бақыт Сәрсекбаев үшін алғашқы сынақ: 19 жасқа дейінгі Futures Cup халықаралық турнирінде кімдер бақ сынайды?
Бангкокта (Таиланд) World Boxing федерациясының ұйымдастыруымен бокстан 19 жасқа дейінгі спортшылар арасында алғаш рет Futures Cup халықаралық турнирі өтеді.
Бапкерлер штабы аталған байрақты бәсекеге қатысатын Қазақстан ұлттық құрамасының тізімін жариялады.
Ерлер
50 келіге дейін: Арман Мырсәбит
55 келіге дейін: Едіге Нұрғожа
60 келіге дейін: Досжан Жұмақан
65 келіге дейін: Даниял Шалқарбай
70 келіге дейін: Бибарыс Әшірбай
75 келіге дейін: Хамза Мақсатұлы
80 келіге дейін: Тимур Тайбеков
85 келіге дейін: Нұрсұлтан Қыстаубай
90 келіге дейін: Жалғас Утебеков
90 келіден жоғары: Владислав Саможонов
Әйелдер
48 келіге дейін: Асылай Мұрат
51 келіге дейін: Айым Танкибаева
54 келіге дейін: Марал Төлепберген
57 келіге дейін: Ақнұр Тұрсынғали
60 келіге дейін: Жасмин Абрамян
65 келіге дейін: Айсұлу Мұхит
70 келіге дейін: Камила Оспанова
75 келіге дейін: Зарина Толыбай
80 келіге дейін: Айдана Убайдуллақызы
Турнир 8-15 наурыз аралығында өтеді.
06 March, 2026
10
Астанада бокстан Манарбек Ихсановты еске алуға арналған жасөспірімдер арасындағы халықаралық турнир басталды
Астана қаласында бокстан жастар арасында ҚазССР чемпионы Манарбек Ихсановты еске алуға арналған дәстүрлі халықаралық турнир басталды.
Жарысқа Ресей, Өзбекстан, Қырғызстан, Тәжікстан және еліміздің 20 өңірінен келген 300-ге жуық жас боксшы қатысып жатыр.
«Манарбек Ихсановты еске алуға арналған турниріміз алғаш рет 2023 жылы Орал қаласында облыстық деңгейде ұйымдастырылып еді. 2024 жылы Республикалық деңгейге көтерілді. Ал 2025 жылы халықаралық статусқа өсті. Әйтсе де Орал қаласы еліміздің кей облыстарына баруға алыс болғандықтан, турнирді Астанада өткізуді ұйғардық. Бұл жерде 2010 - 2011 жылдары дүниеге келген жасөспірімдер жүлдеге таласады», - деді жарыс ұйымдастырушысы Қаймен Есендияров.
Манарбек Ихсанов - 1964 жылы 23 ақпанда Батыс Қазақстан облысының Казталовка ауданы, Болашақ ауылында дүниеге келген. Ересектер санатында 75 келіде жұдырықтасып, жарақат салдарынан спорт мансабын аяқтауға мәжбүр болған. Ал 1995 жылы өмірден өтті.
«Турнирімізде жасөспірімдер санатына басымдық беруді жөн көрдік. Себебі, жас боксшылар - еліміздің ертеңі. Олар қазірден тәжірибелері шыңдала беруі тиіс. Алдағы жоспарымыз - осы деңгейден түспеуге тырысу», - деп боксшының туған бауыры Жандарбек Ихсанов өз пікірін білдірді.
Турнир жеңімпаздарына ұйымдастырушылар тарапынан 200 мың теңге және IPhone 17 смартфоны, күміс жүлдегерге 100 мың теңге, қола жүлдегерге 50 мың теңге сыйақы қарастырылған. Сонымен қатар жеңімпаздардың бапкерлеріне 100 мың теңге мен естелік сыйлық табысталады.
Айта кетейік, турнир 9 наурызға дейін жалғасады.
05 March, 2026
11
«Странджа» турнирінде жерлестеріміз 4 алтын медаль жеңіп алды
Болгария астанасы София қаласында өтіп жатқан халықаралық Странджа турнирі мәресіне жетті.
23 ақпан - 1 наурыз аралығында жалғасқан бәсекеде отандастарымыз 4 алтын, 2 күміс, 3 қола медаль жеңіп алды.
Жастар арасында әлем чемпионы Элина Базарова (54 келі) финалда англиялық Лорен Маккиді 5:0 есебімен тізе бүктіріп, халықаралық турнирдің чемпионы атанды.
Отандасымыз турнир барысында бұдан бұрын 1/8 финал. аустралиялық Моник Сурачиді 4:1, ¼ финалда түркиялық Айшен Ташкын 5:0, ½ финалда тағы бір отандасымыз Анель Сақышты 3:2 есебімен қапы қалдырды.
Қазақстандық тағы бір былғары қолғап шебері Надежда Рябец (80 келі) ақтық сында Түркия өкілі Ярен Дузтаспен күш сынасты. Үш раундта да отандасымыз айқын басымдығын танытып, төрешілердің бірауыз шешімімен жеңіске жетті.
Ел құрамасы қоржынына тағы бір алтын медаль 80 келіден жоғары салмақта түсті. Бұл салмақта өзін жақсы көрсете білген Валерия Аксенова финалда Өзбекстанның спортшысы Олтиной Сотимбоеваны 5:0 есебімен жеңіп кетті.
Тағы бір отандасымыз Лаура Есенкелді (65 келі) финалда әлем чемпионатының 3 мәрте жүлдегері Навбахор Хамидоваға 0:5 есебімен есе жіберді.
Ерлер арасында 50 келідегі Даниал Сәбит бас жүлдені әзербайжандық Билалхабаши Назаровпен сарапқа салды.
Өте тартысты өткен жекпе-жектің тағдыры шешуші раундта шешіліп, отандасымыз 3:2 есебімен жеңісті жұлып алды.
Қазақстандық былғары қолғап шебері ¼ финалда түркиялық Улас Ялчинкаяны 5:0 есебімен жеңсе, ½ финалда жарақатына байланысты жекпе-жектен бас тартқан өзбекстандық Асилбек Жалиловты орта жолда қалдырды.
Сондай-ақ, 70 келідегі Фарух Тоқтасынов АҚШ өкілі Лавант Броунлимен қолғап түйістірді. Өте тартысты өткен кездесудің шешуші раундында дәлдік танытқан Лавант Броули 4:1 есебімен басым түсті.
Қазақстандық боксшы бұл турнирде 1/16 финалда аустриялық Арсен Чабиан, 1/8 финалда түркіменстандық Байрамдурды Нұрмұхаммедовті 5:0 есебімен жеңсе, ¼ финалда германиялық Рэнди Ботикалиді 4:1 есебімен тізе бүктірді. Ал жартылай финалда өзбекстандық Шавкатжон Болтаев алған жарақатына байланысты жекпе-жектен бас тартып, отандасымыз бірден финалға шыққан еді.
Одан бөлек, әйелдер арасында Анель Сақыш (54 келі), Валентина Хальзова (75 келі), Дина Исламбекова (+80 келі) қола жүлде еншіледі.
02 March, 2026
13
«Странджа» турнирінің жартылай финалында кімдер жұдырықтасады?
Бокстан Болгариядағы бәсекенің жартылай финалы аяқталды.
Ел құрамасынан Даниал Сәбит (50 келі) жекпе-жексіз финалға шықты. 2025 жылғы Қазақстан чемпионы жартылай финалда өзбекстандық Асилбек Жалиловпен кездесуі тиіс болатын. Қарсыласы алған жарақатына байланысты шаршы алаңға шығудан бас тартты.
Сондай-ақ қазақстандық тағы бір былғары қолғап шебері Фарух Тоқтасынов (70 келі) Өзбекстан спортшысы Шавкатжон Болтаев жартылай финал жекпе-жегін өткізбейтін болды. Оған басты себеп — қарсыласының жарақат алуы.
Айта кетсек, бұдан бұрын ел құрамасынан Элина Базарова (54 келі), Лаура Есенкелді (65 келі), Валерия Аксенова (80 келіден жоғары) финалға шыққан еді.
Ал отандасымыз Надежда Рябец (80 келі) ешқандай жекпе-жексіз бірден финалға жолдамаға қол жеткізді.
27 February, 2026
7
«Странджа» турнирінде 9 боксшымыз жартылай финалға өтті
27 ақпанда Болгарияның София қаласында қазақстандық боксшылар қатысқан «Странджа кубогы» халықаралық турнирінің ширек финалындағы он жекпе-жек өтті.
Төменде жарыстың бесінші күнінде Қазақстан ерлер құрамасы өкілдерінің көрсеткен нәтижелері берілген:
50 кг. Даниял Сабит — Улаш Ялчинкая (Түркия). Сабиттің жеңісі. Ялчинкая жарақатына байланысты үшінші раундқа шықпады. Жекпе-жек тоқтатылған сәттегі есеп — 5:0.
55 кг. Бағлан Кенжебек — Билгуунсайхан Хархуу (Моңғолия) — 0:5;
65 кг. Ертуған Зейнуллинов — Малик Гасанов (Әзербайжан) — 0:5;
70 кг. Фарух Тоқтасынов — Рэнди Ботикали (Германия) — 4:1;
70 кг. Мұхаммедсабыр Базарбайұлы — Лавант Браунли (АҚШ) — 0:5;
85 кг. Сұлтанбек Айбарұлы — Акмалжон Исроилов (Өзбекстан) — 0:5;
85 кг. Бекзат Таңатар — Матвей Ражба (Украина) — 0:5;
90 кг. Дәулет Төлемісов — Джозеф Авинонгья (АҚШ) — 0:5;
90 кг. Нурмагамед Юсупов — Самир Собиров (Өзбекстан) — 0:5;
+90 кг. Нұрлан Сапарбай — Озодбек Алиев (Өзбекстан) — 0:5.
Еске салайық, «Странджа кубогы» Еуропадағы ең көне бокс турнирі болып саналады. Жартылай финалдық жекпе-жектер 28 ақпанда өтсе, финалдар 1 наурызға жоспарланған.
27 February, 2026
10
«Странджа» турнирінің төртінші күні 19 боксшымыз өнер көрсетеді
Бұл күні еліміздің әйелдер құрамасынан 15 былғары қолғап шебері ширек финалда ойын көрсетсе, ерлерде 65 және 70 келідегі спортшылар өзара мықтыны анықтайды.
Күндізгі сессия
1-жұп. 48 келі. А рингі. Айгерім Сәттібаева — Ханна Охота (Украина) 2-жұп. 48 келі. А рингі. Анель Құдайберген — Сабина Бобокулова (Өзбекстан) 4-жұп. 54 келі. В рингі. Анель Сақыш — Ана Ливия Висенте Линхарес (Бразилия) 5-жұп. 54 келі. А рингі. Жайна Шекербекова- Йоселин Перез (АҚШ) 5-жұп. 54 келі. В рингі.Элина Базарова — Айшен Ташкын (Түркия) 9-жұп. 70 келі. В рингі. Фарух Тоқтасынов- Байрамдурды Нұрмұхаммедов (Түрікменстан) 12-жұп. 65 келі. А рингі. Илья Калинин — Юри Фалькао Рейс (Бразилия) 13-жұп. 70 келі. В рингі. Мұхаммедсабыр Базарбайұлы -Джон Макконелл (Германия) 14-жұп. 65 келі. А рингі. Ертуған Зейнуллинов — Маркус Лузер (АҚШ)
Кешкі сессия
1-жұп. 57 келі. А рингі. Ұлжан Сәрсенбек — Алиса Мендоза (АҚШ) 3-жұп. 60 келі. А рингі. Римма Волосенко — Йомна Айад (Египет) 4-жұп. 60 келі. В рингі. Виктория Графеева — Ребека де Лима Сантос (Бразилия) 6-жұп. 65 келі. В рингі. Лаура Есенкелді — Андра Кринута Себе (Румыния) 8-жұп. 70 келі. А рингі. Бақыт Сейдіш — Вивиана Дос Сантос Перейра (Бразилия) 8-жұп. 70 келі. В рингі. Мәдина Нұршаева- Шантель Рид (Ұлыбритания) 9-жұп. 75 келі. А рингі.Валентина Хальзова — Амалия Нита (Румыния) 9-жұп. 75 келі. В рингі.Мария Сидоренко- Наоми Грэм (АҚШ) 11-жұп. +80 келі. А рингі. Валерия Аксенова- Собирахон Шахобиддинова (Өзбекстан) 12-жұп. +80 келі. А рингі. Дина Исламбекова — Хавванур Кезуда (Жапония).
Халықаралық турнирдің күндізгі сессиясы Қазақстан уақытымен 17:00–де басталса, кешкі сессия 21:00–ге белгіленген.
26 February, 2026
16
«Странджа» турнирінің үшінші күні қалай өтті?
Болгария астанасы София қаласында өтіп жатқан халықаралық Странджа турнирінің үшінші жарыс күні мәресіне жетті.
Қазақстандық былғары қолғап шеберлері арасынан күндізгі сессияда әйелдер арасында 57 келіде Ұлжан Сәрсенбек тағы бір отандасымыз Айдана Забынбекованы, Азия чемпионы Римма Волосенко (60 келі) АҚШ өкілі Алиша Крокетті 5:0, 60 келіде Виктория Графеева түркиялық Гизем Озерді 4:1 есебімен жеңді.
Ал Жазира Орақбаева 1/8 финалда 2025 жылғы әлем чемпионатының қола жүлдегері Феруза Казаковаға 0:5 есебімен есе жіберіп, жарыс жолынан шығып қалды.
Кешкі сессияда отандасымыз Лаура Есенкелді АҚШ өкілі Мэри-Энджелис Росендоны 5:0 есебімен тізе бүктірді.
Оған дейін белгіленген екі жекпе-жектің өтпейтіні анықталды. Қазақстандық Аружан Жаңабаева (65 келі) жарақатына байланысты Навбахор Хамидовамен (Өзбекстан) кездесуден бас тартты.
Сондай-ақ Даниал Сапарбай (90 келіден жоғары) жекпе-жектен бас тартуына байланысты Нұрлан Сапарбай автоматты түрде ширек финалға шықты.
Айта кетсек, Қазақстан Болгария астанасына 39 боксшыны аттандырды. Биыл Странджа кубогы 77-мәрте өткізіп жатыр.
25 February, 2026
10
«Странджа» халықаралық турнирінің үшінші күні 9 отандасымыз жұдырықтасады
Болгария астанасы София қаласында өтіп жатқан «Странджа» халықаралық турнирінің үшінші жарыс күні, 25 ақпанда ел құрамасынан кімдердің шаршы алаңға шығатыны белгілі болды.
Бұл жарыс күнінде 9 отандасымыз шаршы алаңға шығады. Олардың қатарында әлем чемпионатының күміс жүлдегері Виктория Графеева бар. Сондай-ақ, 2 жұпта қазақстандық боксшылар өзара жұдықтасады.
Күндізгі сессия
2 жұп. 51 келі. В рингі
Жазира Орақбаева - Феруза Казакова (Өзбекстан)
6жұп. 57 келі. А рингі
Ұлжан Сәрсенбек - Айдана Забынбекова
9-жұп. 60 келі. А рингі
Римма Волосенко - Алиша Крокетт (АҚШ)
11-жұп. 60 келі. В рингі
Виктория Графеева - Гизем Озер (Түркия)
Кешкі сессия
3-жұп. 65 келі. А рингі
Аружан Жаңабаева - Навбахор Хамидова (Өзбекстан)
3-жұп. 65 келі. В рингі
Лаура Есенкелді - Мэри-Энджелис Росендо (АҚШ)
11-жұп. 90 келіден жоғары. А рингі
Нұрлан Сапарбай - Даниал Сапарбай.
Халықаралық турнирде Қазақстан уақытымен күндізгі сессия 17:00-де басталса, кешкі сессия 21:00-ге белгіленген.
08 March, 2026
10
