Бокстан 2025 жылғы Қазақстан чемпионатында жарқ етіп шыққан жаңа есімдердің бірі - Сұлтан Айбарұлы. Семейдегі ел біріншілігінде ол тәжірибелі боксшы Әбілхан Аманқұлды жеңіп, кейін Үндістандағы әлем Кубогында топ жарды. Қазақстан бокс федерациясына берген сұхбатында жас боксшы спорттағы жолы мен алдағы мақсаттары туралы айтып берді.

23 ақпан – 1 наурыз аралығында өткен «Странджа» турнирінің ширек финалында әлем чемпионы Акмалжон Исроиловқа жалынды қарсылық көрсете білдіңіз. Жалпы Болгария сапары сіз үшін қаншалықты пайдалы болды?

Иә, ¼ финалда Өзбекстан боксшысынан есе жібердім. Жекпе-жек өте тартысты өтті. Бірінші раундта басымдық менде болды, бірақ кейін физикалық дайындық жағынан сәл жетпей қалды. Осы жағынан жұмыс жасау керектігін түсіндім. «Странджа» турнирі мен үшін үлкен тәжірибе болды. Өйткені мықтылармен шыққанда ғана өзіңнің әлеуетіңді байқай аласың. Алдағы жарыстарда үлкен жетістіктерге жететініме сенімдімін.

Болгарияға өзге елдердің бірінші нөмірлі спортшылары келді ғой. Шетелдік боксшылардың сіз байқаған басты артықшылығы қандай деп ойлайсыз?

• 2025 жылы Болгариядағы бәсекеге 20 ел қатысса, биыл 31-ге дейін көбейді. АҚШ, Өзбекстан, Украина, Англия және т.б елдердің мықты былғары қолғап шеберлері келді. Жалпы барлық елдің спортшылары тыңғылықты дайындықпен келгендері көрініп тұр. Себебі, 2026 жылы әр құрлықтың 4 жылда бір өтетін Азия ойындары, Достастық ойындары секілді маңызды жарыстары бар. 

Сіздің есіміңіз алғаш рет БАҚ беттерінде 2025 жылы Семейде өткен Қазақстан чемпионатында аталды. Сол сәтте сіз ширек финалда жаһандық доданың күміс жүлдегері, Токио Олимпиадасының қатысушысы Әбілхан Аманқұлды жеңіп кеттіңіз. Сол жайында айта аласыз ба?

• Ия, мен үшін 2025 жыл олжалы болды. 85 келіде Әбілхан Аманқұл ағамызбен жұдырықтастық. Тәжірбиесі мол боксшы. 75 келіде біраз жетістіктерді бағындырған. Жекпе-жек оңай болмады. Бірақ ағамыздың ол кезде салмағы 80 келіге де жетпегенін айтуымыз керек. Оның үстіне Әбілхан Аманқұл біраз жылдық үзілістен соң, ел чемпионатында жұдырықтасты. 

Ел біріншілігінен кейін Үндістанда сенсация жасап, әлем Кубогының финалдық кезеңінде топ жардыңыз. Өзіңіз ересектер сапындағы ірі жарысқа баратыныңызды және жеңісіңізді қалай бағаладыңыз?

• Қазақстан чемпионатынан кейін бір ай болмай жатып, Әлем кубогына баруға жолым түсті. Сол сәтте мүмкіндік берген Қайрат Сәтжанов ағайымызға алғыс айтамын. Үндістанда Оңтүстік Корея мен Өзбекстанның екінші нөмірлі боксшысын жеңіп, топ жардым. Әрине, кез келген жарыста чемпион атану жақсы эмоция сыйлайды.

Көптеген спортшылар боксқа дейін өзге спорттарда бағын сынап, кейін боксқа ауысып жатады. Сіз бокс жолына қалай келдіңіз?

• Боксқа өз-өзімді қорғау үшін келген едім. Сол себепті 11 жасымда боксқа келдім. Алғашқы жарыстарда жүлде алғаннан кейін, бұл спортқа деген қызығушылығым одан сайын арта түсті.

Кәсіби түрде спортпен айналысуды екінің бірі таңдай бермейтіні анық. Сіздің осы жолды қууыңызға не әсер етті? Өзіңіздің ойыңызша, сіздің өзге боксшылардан қарағанда қандай ерекшелігіңіз бар деп ойлайсыз?

• Мен үшін бокс жолы ауыр жолдармен келе жатыр. Оңай спорт емес.Осыншама уақыт бойы келіп, мақсатыма жетпей қоя салу менікі емес! Түбінде арман-мақсатыма жетуге барымды саламын.

Қазір ел ішінде 85 келіде нақты көшбасшы болмай тұр. Қазақстан чемпионы Дәулет Төлемісов 90 келіге көтерілді. Әлем чемпионы Бекзат Нұрдәулетов мансабын аяқтады. Нұрбек Оралбайдың да Олимпиада бағдарламасына кірмейтін салмақта ұзақ уақыт аялдауы екіталай. Өзіңіз бұл салмақтағы бәсекелестікті қалай бағалайсыз? Осы салмақта тұрақтайсыз ба?

• Әзірге осы 85 келіде тұрақтаймын. Алдағы мақсатым – 2027 жылы Астанада өтетін әлем чемпионатына қатысу.

2026 жылдан бері ұлттық құрама сапында жаттығып жүрсіз. Сізді алғашқы оқу-жаттығуында не таңғалдырды?

• Оқу-жаттығуында таңғаларлық ештеңе жоқ. Өзіміздің істеп жүрген жұмысымыз болғаннан кейін бейімделіп кету қиынға түспеді.

Ұлттық құрама сапында кіммен жақсы араласасыз?

• Ұлттық құрама сапында Дәулет Төлемісов, Бағлан Кенжебек, Фарух Тоқтасынов, Нұрбек Мурсал, Данияр Рахымбердиев, Нұрзат Оңғаров, Алмат Абдуали бауырларыммен жақсы араласамын.

Бокстан тыс уақытта немен айналысқанды ұнатасыз?

• Бокстан тыс уақытта сериал көргенді және психологиялық кітаптарды оқығанды ұнатамын.

Алдағы бір-екі жылға қойған нақты мақсатыңыз қандай?

• Алдағы уақытта Азия, Әлем чемпионатында топ жаруды көздеймін.

Сұхбатыңызға рақмет!

Бүгін, 12 наурыз күні Таиланд астанасы Бангкок қаласындағы жарыста 8 отандасымыз шаршы алаңға шықты.

Аса ауыр салмақта Владислав Саможонов жартылай финалда АҚШ өкілінен басым түссе, қалған 6 боксшымыз ширек финалға шықты. Ал турнирде жарқын жекпе-жектерімен есте қалған Даниал Шалқарбай өкінішке қарай, жарыс жолын аяқтады.

57 келі. А рингі. 1/8 финал.

Ақнұр Тұрсынғали - Кесиа Рили (Италия) - 3:2

60 келі. А рингі. 1/8 финал

Жасмин Абрамян - Айано Мочи (Жапония) - 5:0

70 келі. В рингі. 1/8 финал

Бибарыс Әшірбай - Джунхю Ю (Оңтүстік Корея) - 1-раундта техникалық нокаутпен жеңді

65 келі. А рингі. 1/8 финал

Айсұлу Мұхит - Тиана Рю (Аустралия)

75 келі. В рингі. 1/8 финал

Хамза Мақсатұлы - Жидеон Сансон Таулиалиа (Аустралия) - 3:0

80 келі. А рингі. 1/8 финал

Тимур Тайбеков - Асилбек Абдусамадов (Өзбекстан) - 4:1

+90 келі. В рингі. 1/2 финал

Владислав Саможонов - Калеб Стюарт Рейд (АҚШ) - 2-раундта қарсыластың қабағының жарылуына байланысты отандасымыз мерзімінен бұрын жеңіске жетті

65 келі. В рингі. 1/8 финал

Даниал Шалқарбай - Ростислав Хородинский (Украина) - 1:4

Айта кетейік, Дакардағы жазғы жасөспірімдер Олимпиадасына лицензия үлестірілетін бәсекеде әлемнің 78 мемлекетінен 500-ге жуық боксшы сынға түсіп жатыр.

Көпшілік спортшылар бокспен бала кезден айналысады. Ал Даниал Сәбит бұл спортқа 16 жасында ғана келген. Соған қарамастан ол аз уақыт ішінде Қазақстан чемпионы атанып, халықаралық турнирлерде топ жарып үлгерді. Осы орайда Софиядағы «Странджа» турнирінің жеңімпазы Даниал Сәбит өзінің спорттық мансабы туралы айтып берді.

Даниал, сізді бокс секциясына кеш келді деп естідім. Осы бойынша айтып бере аласыз ба?

• Боксқа секциясына 16 жасымда бардым. Ол 2018 жылдың қыркүйегі еді. Бокс тілімен айтсақ, өте кеш. Бірақ бұл менің жетістіктеріме жетуге кедергісін тигізбеді. 2019 жылы жастар арасында Қазақстан чемпионы, 2020, 2024, 2025 жылы ересектер арасында Қазақстан чемпионы атандым. 2021 жылы Азия чемпионатының күміс жүлдесін еншіледім. Шынымды айтсам, боксқа арман қуып емес, жай ғана спортпен шұғылдану мақсатында қатыстым. 

Неге дәл осы боксты таңдадыңыз? Оған дейін басқа спорттармен шұғылданып па едіңіз?

• Оған дейін күреске барғанмын. Алайда құжат жинау керек болды. Оған уақыттың ыңғайы болмай, құжаттарды жинамадым. Содан күреске бармай қалдым. Ал боксқа қатысу үшін басында ешқандай құжат керек болмады және ең бастысы, тегін болды. Сол үшін боксты таңдадым.

Ең алғашқы қатысқан жарысыңызды еске түсіре аласыз ба?

• Ең алғашқы жарысым бокстан жастар арасындағы Батыс Қазақстан облысының чемпионаты. Боксқа келгеннен кейін 3 айдан кейін болды. Сол жарыста 2 жекпе-жек өткізіп жеңімпаз атанып, ел чемпионатына жолдама алған едім. Одан кейін 2019 жылдың ақпан айында Шымкентте өткен жастар арасындағы Қазақстан чемпионатында 46 келіде бақ сынап, топ жардым.

Сіз үшін Қазақстандағы ерекше сәт - алғаш рет ересектер арасында ел чемпионы болған сәтіңіз деп айтуға бола ма?

• Иә, дәл солай. Себебі, 2020 жылы 23 қараша күні мен 18 жасқа толып, ресми түрде ересектер арасындағы Қазақстан чемпионатында жұдырықтасуға мүмкіндік алдым. Оның үстіне туған күнім ел біріншілігінің басталуымен тұспа-тұс келді. Өзім сынға түскен 49 келіде басты фаворит сол сәтте 5 мәрте қатарынан Қазақстан чемпионатын жеңген Теміртас Жүсіпов саналды. Финалда ағамыз әрі бала кездегі кумирімнен басым түсіп кеттім.

World Boxing ұйымы жаңа салмақтарды енгізгелі Теміртас Жүсіповтың 50 келіде жұдырықтасуға қиналатындығы мен Сәкен Бибосыновтың 55 келіге көтерілгеніне куә болдық. Қазіргі сәтте өзіңізді бұл салмақта қалай сезінесіз? Салмақ қуу жағынан қиындық туындамай ма?

• Салмақ қуу қиындау әрине. Алайда қууға болады, аса бір салмақ ауыстыратындай емес.

Сіз Қазақстан чемпионы атансаңыз да, 2021, 2023, 2025 жылғы әлем чемпионатында Санжар Тәшкенбай мен Теміртас Жүсіпов бақ сынап, 3 алтын және 1 қола медаль еншіледі. Сол сәттерде сіздің бару мүмкіншілігіңіз қандай еді? Спаррингте жолдамаға таласып па едіңіз?

• 2021 жылы Сербиядағы әлем чемпионатының алдында бір рет Теміртас ағамызбен спарринг өткізген болатынбыз. Төрешілер шешімімен Теміртас ағаны жеңімпаз деп танып, сол кісі кетті. Артынша Белградта топ жарды.2022 жылы мен 51 келіге көтерілдім. Ол салмақта 2023 жылы Токио Олимпиадасының қола жүлдегері, әлем чемпионы Сәкен Бибосынов барды. 2025 жылы Ливерпульде Санжар Тәшкенбай 2 дүркін әлем чемпионы атанды. Ал 2025 жылдың желтоқсан айында Дубайдағы жаһандық додада жүлдеге бір қадам жетпей, ширек финалда сүріндім.

World Boxing ұйымы Лос-Анджелес Олимпиадасының салмақтар санатын өзгертіп жіберді. Кез келген спортшының арманы Олимпиада тұғырында тұру екендігін ескерсек, сізге бұл хабар қаншалықты әсер етті? Алдағы уақыттағы мақсатыңызды айта аласыз ба?

• Алдағы жылдары көреміз.Дәл қәзір ештеңе белгісіз.

Сіз жақында ғана Болгариядағы «Странджа» турниріне бардыңыз. Осындай халықаралық жарыстар боксшыға қандай пайдасын береді деп ойлайсыз?

• Өткізген оқу-жаттығу жиынын қорытындылау, шыңдау. Тәжірибе жинауға пайдасы көп. Ресми жарыста 2 ғана жекпе-жек өткізіп, жеңіске жетсем де, күнделікті жаттығуда шетелдіктермен спаррингке шықтым.

Сіздің боксшы ретінде мықты қасиетіңіз қандай деп санайсыз?

• Физикалық күш және мінез деп санаймын.

Бокста сіз үшін үлгі тұтатын спортшы бар ма?

• Геннадий Головкин. Ол кісінің қандай қасиеттерін бағалаймын? Біріншіден, еңбекқорлық. Әуесқой бокста 2003 жылы әлем чемпионы және Афина Олимпиадасында күміс жүлдені еншілесе де тоқтамады. Өмірін кәсіпқой боксқа бұрып, ұзақ әрі қиын жол арқылы үлкен тұғырды бағындыра білді. Екіншіден, қарапайымдылық. Ағамыз әлемде ең танымал спортшының бірі болса да, адамгершілігін жоғалтпады. Үнемі ірі жарыстарда отандастарымызды жігерлендіріп, қолдап жүреді.

Париж Олимпиадасынан кейін бокстан ұлттық құрамамыз үлкен өзгеріске ұшырап, шетелдік мамандар шақыртылды. Сіздің ойыңызша, АҚШ-тан келген ағайынды Камачолардың жаттығуы қаншалықты пайдасын тигізіп жатыр?

• Физикалық тұрғыда жақсы көмектесіп жатыр. Ірі жарыстарда байқасаңыздар, боксшыларымыз шаршамайды. 3 раунд бойы жоғары қарқынмен айқасады. Соның арқасында 2025 жылы Ливерпульде ерлер құрамасы 4 бірдей алтын медальді жеңіп алды.

Бос уақытыңызда қалай өткізесіз?

• Жақын адамдарыммен бірге уақыт өткізген ұнайды.

Ұлттық құрамада кімдермен жақсы араласасыз?

• Жалпы көбімен араласамын. Олардың арасынан Мұхаммедсабыр Базарбайұлы және Оразбек Асылқұловпен жақсы қарым-қатынастамын.

Сұхбатыңызға рақмет!

Бүгін, 11 наурыз күні Таиланд астанасы Бангкок қаласындағы жарыста 6 отандасымыз шықты, деп хабарлайды Sport12.kz

50 келідегі Арман Мырсабит екі жекпе-жек қатарынан қарсыласын мерзімінен бұрын жеңді. Ал аса ауыр салмақтағы Владислав Саможонов ерлер құрамасынан алғаш болып, жартылай финалға жолдама алды.

Ал 60 келідегі Досжан Жұмақан 2025 жылы Иорданияда өткен жасөспірімдер арасындағы Азия чемпионатының финалында Бобомурод Боймирзаевты жеңген еді. Осы жолы қос боксшының жолы ерте түйісті. Отандасымыз 3 раунд бойы ширақ қимылдап, кезекті рет мерейі үстем болды.

70 келі. В рингі. 1/16 финал

Бибарыс Әшірбай - Анас Абсоул (Иордания) - 2-раундта техникалық нокаутпен жеңді.

+90 келі. А рингі. 1/4 финал

Владислав Саможонов - Ти Ани Рекит (Жаңа Зеландия) - 2-раундта техникалық нокаутпен жеңді. 

50 келі. В рингі. 1/8 финал

Арман Мырсабит - Абдрахим Овузгулиев (Түркіменстан) - 1-раундта техникалық нокаутпен жеңді.

60 келі. А рингі. 1/8 финал

Досжан Жұмақан -Бобомурод Боймирзаев (Өзбекстан) - 4:1

75 келі. В рингі. 1/16 финал

Даниял Шалқарбай - Сонни Мередиз (Канада) - 2-раундта техникалық нокаутпен жеңді. 

6-жұп. 55 келі. А рингі. 1/16 финал.

Едіге Нұрқожа - Абдурасул Арсланов (Түркіменстан) - 0:5

Айта кетейік, Дакардағы жазғы жасөспірімдер Олимпиадасына лицензия үлестірілетін бәсекеде әлемнің 78 мемлекетінен 500-ге жуық боксшы сынға түсіп жатыр.

Бүгін, 10 наурыз күні Таиланд астанасы Бангкок қаласындағы жарыста 5 отандасымыз өнер көрсетті.

50 келі. В рингі. 1/16 финал
Арман Мырсабит - Шалва Беридзе (Грузия) - 2-раундта техникалық нокаутпен жеңді.

60 келі. В рингі. 1/16 финал
Жасмин Абрамян - Мария Горзеланна (Польша) - 4:1

51 келі. 1/16 финал
Айым Танкибаева - Назокат Мардонова (Өзбекстан) - 0:5

54 келі. В рингі. 1/8 финал
Марал Төлепберген - Джойшри Деви Широм (Үндістан) - қарсылас 3-раундта айқын басымдықпен жеңді.

Асылай Мұрат - Мафтуна Мусурмонова (Өзбекстан) - отандасымыз жарыстан шеттетілді.

Бүгін, 9 наурыз күні Таиланд астанасы Бангкок қаласындағы бәсекеде 4 отандасымыз да еш қиындықсыз келесі кезеңге өтті.

Олардың арасынан 60 келідегі Досжан Жұмақан екінші рет қатарынан жеңіске жетті.

57 келі. В рингі. 1/16 финал

Ақнұр Тұрсынғали - Шикка Азума (Жапония) - 5:0

55 келі. В рингі. 1/32 финал

Едіге Нұрқожа - Джастин Монталво (Пуэрто-Рико) - 4:1

60 келі. 1/16 финал

Досжан Жұмақан - Лионел Эрнандес (Гватемала) - 5:0

65 келі. В рингі. 1/32 финал

Даниял Шалқарбай - Вилмер Екблом Олссон (Швеция) - 5:0

Айта кетейік, Дакардағы жазғы жасөспірімдер Олимпиадасына лицензия үлестірілетін бәсекеде әлемнің 78 мемлекетінен 500-ге жуық боксшы сынға түсіп жатыр.

Бокстан Астана қаласында 5-9 наурыз аралығында өткен жастар арасында ҚазКСР чемпионы Манарбек Ихсановты еске алуға арналған дәстүрлі халықаралық турнирі өз мәресіне жетті.

5 күнге жалғасқан халықаралық додада 2010-2011 жылдары дүниеге келген жасөспірімдер 14 салмақта жүлде жиынтығын сарапқа салды.

Айта кетейік, бәсекеге Ресей, Өзбекстан, Қырғызстан, Тәжікстан және еліміздің 20 өңірінен келген 300-ге жуық жас боксшы қатысты.

Жеңімпаздар:

44 келі. Азамат Бектемір (Астана қ.)
46 келі. Асылжан Алпан (Ақмола обл.)
48 келі. Александр Смагин (Ақмола обл.)
50 келі. Харун Есенжан (Атырау обл.)
52 келі. Бақдаулет Құралбай (Жамбыл обл)
54 келі. Бехруз Омаров (Тәжікстан)
57 келі. Елмурат Кукенов (Қырғызстан)
60 келі. Арыстан Ходжибаев (Жамбыл обл.)
63 келі. Нұртас Әлімбай (Жамбыл обл.)
66 келі. Бекет Сағызбаев (Қарағанды обл.)
70 келі. Даниал Аймаханов (Ақтөбе обл.)
75 келі. Диас Нұрмағанбет (Шымкент қ.)
80 келі. Емил Оспанов (Шымкент қ.)
+80 келі. Асанәлі Дарбаев (Ақмола обл)

Жалпы есепте Жамбыл мен Ақмола облысынан ең көп 3 чемпионнан шықса, көршілес Қырғызстан және Тәжікстан өкілдері де 1 алтынмен үйлеріне қайтты.

Турнир жеңімпаздарына ұйымдастырушылар тарапынан 200 мың теңге және IPhone 17 смартфоны, күміс жүлдегерге 100 мың теңге, қола жүлдегерге 50 мың теңге сыйақы табысталды. Сонымен қатар турнирдің «ең үздік төрешісі», «ең үздік боксшы», «жеңіске деген жігер» атты номинациялары бойынша үздіктерге 200 мың теңгеден берілді.

Бүгін, 8 наурыз күні Бангкок қаласында 3 отандасымыз алғашқы жекпе-жектерін өткізіп, келесі кезеңге өтті.

Күндізгі сессия. 09:00

В рингі. 5-жұп. 54 келі. 1/16 финал
Марал Төлепберген - Розие Свейлис (Шотландия) - 5:0

Кешкі сессия. 15:00

В рингі. 3-жұп. 60 келі. 1/32 финал
Досжан Жұмақан - Феликс Очиенг Онианго (Кения) - 1-раундта айқын басымдықпен жеңді

В рингі. 10-жұп. 70 келі. 1/32 финал
Бибарыс Әшірбай - Мухаммад Мамадалиев (Тәжікстан) - ережені бұзғаны үшін, Тәжікстан спортшысы 3-раундтың соңында шеттетілді

Бангкокта (Таиланд) World Boxing федерациясының ұйымдастыруымен бокстан 19 жасқа дейінгі спортшылар арасындағы  Futures Cup халықаралық турнирінің жеребесі өтті.

Ерлер.

50 келі. 1/16 финал
Арман Мырсабит - Осамах Әлхалди (Иордания)/Шалва Беридзе (Грузия) жұбының жеңімпазымен кездеседі.

55 келі. 1/32 финал
Едіге Нұрғожа - Джастин Монталво (Пуэрто-Рико)

60 келі. 1/32 финал
Досжан Жұмақан - Феликс Очиенг Онианго (Кения)

65 келі. 1/32 финал
Даниал Шалқарбай - Вилмер Екблом Олссон (Швеция)

70 келі. 1/32 финал
Бибарыс Әшірбай - Мухаммад Мамадалиев (Тәжікстан)

75 келі. 1/8 финал
Хамза Мақсатұлы - Жидеон Сансон Таулиалиа (Аустралия)

80 келі. 1/8 финал
Тимур Тайбеков - Асилбек Абдусамадов (Өзбекстан)

85 келі.1/4 финал
Нұрсұлтан Қыстаубай - Жахонгир Рузибоев (Тәжікстан)

90 келі. 1/2 финал
Жалғас Утебеков - Айтбек Бердімуратов (Қырғызстан)/Энтони Пати (Самоа) жұбының жеңімпазымен айқасады.

+90 келі. 1/4 финал
Владислав Саможонов - Те Ани Рекит (Жаңа Зеландия)

Әйелдер.

48 келі. 1/16 финал
Асылай Мұрат - Мафтуна Мусурмонова (Өзбекстан)

51 келі. 1/16 финал
Айым Танкибаева - Назокат Мардонова (Өзбекстан)

54 келі. 1/16 финал
Марал Төлепберген - Розие Свейлис (Шотландия)

57 келі. 1/16 финал
Ақнұр Тұрсынғали - Шикика Азума (Жапония)

60 келі. 1/16 финал
Жасмин Абрамян - Мария Горзеланна (Польша)

Әйелдер. 65 келі. 1/8 финал
Айсұлу Мұхит - Тиана Рю (Аустралия)

Әйелдер. 70 келі. 1/2 финал
Камила Оспанова - Мафтуна Янгиева (Өзбекстан)/Марлей Макнили (АҚШ)

Әйелдер. 75 келі. 1/2 финал
Зарина Толыбай - Наннафат Мунгпингкланг (Таиланд)/Майсса Кермезиан (Франция)

Әйелдер. 80 келі. 1/2 финал
Айдана Убайдуллақызы - Зи Мей Анх Дам (Вьетнам)

Айта кетейік, турнир 8-15 наурыз аралығында өтеді.

Бангкокта (Таиланд) World Boxing федерациясының ұйымдастыруымен бокстан 19 жасқа дейінгі спортшылар арасында алғаш рет Futures Cup халықаралық турнирі өтеді.

Бапкерлер штабы аталған байрақты бәсекеге қатысатын Қазақстан ұлттық құрамасының тізімін жариялады.

Ерлер

50 келіге дейін: Арман Мырсәбит

55 келіге дейін: Едіге Нұрғожа

60 келіге дейін: Досжан Жұмақан

65 келіге дейін: Даниял Шалқарбай

70 келіге дейін: Бибарыс Әшірбай

75 келіге дейін: Хамза Мақсатұлы

80 келіге дейін: Тимур Тайбеков

85 келіге дейін: Нұрсұлтан Қыстаубай

90 келіге дейін: Жалғас Утебеков

90 келіден жоғары: Владислав Саможонов

Әйелдер

48 келіге дейін: Асылай Мұрат

51 келіге дейін: Айым Танкибаева

54 келіге дейін: Марал Төлепберген

57 келіге дейін: Ақнұр Тұрсынғали

60 келіге дейін: Жасмин Абрамян

65 келіге дейін: Айсұлу Мұхит

70 келіге дейін: Камила Оспанова

75 келіге дейін: Зарина Толыбай

80 келіге дейін: Айдана Убайдуллақызы

Турнир 8-15 наурыз аралығында өтеді.

Астана қаласында бокстан жастар арасында ҚазССР чемпионы Манарбек Ихсановты еске алуға арналған дәстүрлі халықаралық турнир басталды.

Жарысқа Ресей, Өзбекстан, Қырғызстан, Тәжікстан және еліміздің 20 өңірінен келген 300-ге жуық жас боксшы қатысып жатыр.

«Манарбек Ихсановты еске алуға арналған турниріміз алғаш рет 2023 жылы Орал қаласында облыстық деңгейде ұйымдастырылып еді. 2024 жылы Республикалық деңгейге көтерілді. Ал 2025 жылы халықаралық статусқа өсті. Әйтсе де Орал қаласы еліміздің кей облыстарына баруға алыс болғандықтан, турнирді Астанада өткізуді ұйғардық. Бұл жерде 2010 - 2011 жылдары дүниеге келген жасөспірімдер жүлдеге таласады», - деді жарыс ұйымдастырушысы Қаймен Есендияров.

Манарбек Ихсанов - 1964 жылы 23 ақпанда Батыс Қазақстан облысының Казталовка ауданы, Болашақ ауылында дүниеге келген. Ересектер санатында 75 келіде жұдырықтасып, жарақат салдарынан спорт мансабын аяқтауға мәжбүр болған. Ал 1995 жылы өмірден өтті.

«Турнирімізде жасөспірімдер санатына басымдық беруді жөн көрдік. Себебі, жас боксшылар - еліміздің ертеңі. Олар қазірден тәжірибелері шыңдала беруі тиіс. Алдағы жоспарымыз - осы деңгейден түспеуге тырысу», - деп боксшының туған бауыры Жандарбек Ихсанов өз пікірін білдірді.

Турнир жеңімпаздарына ұйымдастырушылар тарапынан 200 мың теңге және IPhone 17 смартфоны, күміс жүлдегерге 100 мың теңге, қола жүлдегерге 50 мың теңге сыйақы қарастырылған. Сонымен қатар жеңімпаздардың бапкерлеріне 100 мың теңге мен естелік сыйлық табысталады.

Айта кетейік, турнир 9 наурызға дейін жалғасады.