1993 жылы 57 жасында ұлттық құрамаға тағайындалған Әбдісалан Нұрмаханов жайлы естелігімізбен бөлісеміз.

Ұлттық құрамаға келгендегі алғашқы әсері

1993 жылы бас бапкерлікке келгенде командада жүгенсіздік жайлап тұрған еді. Іліп алар жігіттердің өзі арақ ішіп, шылым тартып, бетімен кеткен екен. Бір жыл табандап жүріп, тәртіпті жөнге салдым. Көне қоймаған үш-төртеуін құрамадан қуып та жібердім. Тіпті ұйқысы қалай, тамағы қандай, соған дейін қадағалау қажет болды. Күндізгі үлкен жаттығуда адам 8-9 мың килокалория қуатын жоғалтады. Тамағы, демалысы нашар болса, қалыпты жағдайға түсе алмайды. Спортшыларымның асқазан жолдарын түрлі шлактан арылтып, жуу үшін Олимпиадаға екі жарым ай қалғанда команданы Сарыағаш санаторийіне алып бардым. Одан бөлек, адам басқа географиялық аймаққа тек 9-шы күні ғана үйренеді. Түрлі атмосфералық қысымға организмді үйрету үшін, команданы Олимпиада алдында екі рет тауға шығардым. Сол арқылы өкпе қабын кеңейттік, жүрек соғысын реттедік. Осындай ғылыми ізденіспен жүйеленген жаттығу арқасында жігіттер үшінші раундта да шаршамайды. 

(«Әбдісалан» атты кітабындағы сұхбатынан)

1993-1997 жылдар аралығында қандай танымал спортшылар шықты?

1993-1997 жылдар аралығында ұлттық құрамада Василий Жиров, Болат Жұмаділов, Аркадий Топаев, Қанатбек Шағатаев, Нұржан Сманов, Ермахан Ибраимов, Болат Ниязымбетов, Бақтияр Тілегенов, Бектас Әбубәкіров сынды боксшылардың жұлдызы жанды.

«Боксшы шәкірттерінің арасынан шымкенттік Нұржан Смановты ерекше іш тартатын. Адамгершілігі мол, талантты жігіттің бокстағы жолы ауыр екенін айтып, уайымдап отырушы еді. Ермаханды жақсы көрді. Ол біздің үйде де тұрды. Ермаханның институтқа түсуіне де көмектесті» 

(Әбдісалан Нұрмахановтың жұбайы Күлпаш Шаймерденованың сұхбатынан)

Ірі жарыстарда қандай нәтиже көрсетті?

Атланта Олимпиадасы (1996 жыл, АҚШ)

1 алтын, 1 күміс, 2 қола (жалпы есепте 3-орын)

Василий Жиров Олимпиаданың ең үздік боксшысына берілетін «Вэл Баркер» кубогын алды

Әлем чемпионаты (1995 жыл, Германия)

1 күміс, 1 қола

Азия ойындары (1994 жыл, Жапония)

2 алтын, 1 күміс, 2 қола (жалпы есепте 2-орын)

Азия чемпионаты (1994 жыл, Иран)

5 алтын, 1 күміс, 4 қола (жалпы есепте 1-орын)

Азия чемпионаты (1995 жыл, Өзбекстан)

6 алтын, 1 күміс (жалпы есепте 1-орын)

Әлем Кубогы (1994 жыл, Таиланд)

1 алтын, 1 күміс, 2 қола

Қазақстан құрамасының спортшылары 15-21 наурыз аралығында Черногорияның Будва қаласында жалғасып жатқан турнирде жұдырықтасуда.

Бұл бәсекеде Украина, Қырғызстан, Польша, Аустрия, Мексика, Сербия, Косово, Черногория, Германия, Молдова, Македония, Грекия, Бельгия, Әзербайжан, Албания, Словакия, Хорватия, Босния және Герцеговина елдері 20 салмақта жүлдені сарапқа салып жатыр.

Қазақстан сапынан әйелдер арасында Гүлназ Бөрібаева (48 келі), Жансая Рахымберді (51 келі), Томирис Мырзақұл (54 келі), Әсем Таңатар (65 келі), Анастасия Баязитова (70 келі), Жібек Жарасқызы (80 келі) ел намысын қорғаса, ерлер арасында Ағажан Қадыр (70 келі)
мен Салауат Тлекбай (80 келі) жұдырықтасады.

Финалдық жекпе-жектер 21 наурызға жоспарланған.

Бас жаттықтырушы Нұржан Насанов жетекшілігімен ерлер құрамасы алдағы Азия чемпионатына дайындық жүргізіп жатыр.

Бұл жолғы халықаралық деңгейдегі жаттығу жиынына  Өзбекстан, Түркіменстан, Германия, Түркия командалары келді.

Айта кетейік, ересектер арасындағы Азия чемпионаты 28 наурыз бен 11 сәуір аралығында Моңғолия астанасы Ұланбатырда өтеді. Біріншілік алдында сол жерде де бірлескен оқу-жаттығу жиыны ұйымдастырылады.

Қазақстандық боксшылар Таиландтың Бангкок қаласында World Boxing федерациясының ұйымдастыруымен өткен жастар арасындағы Futures Cup турнирінде сегіз медальға ие болды.

Қазақстан сапынан 19 боксшымыз ел намысын қорғап, 4 алтын, 4 күміс, 3 қола медаль еншіледі.

Отандастарымыз арасынан Досжан Жұмақан (60 келі), Айдана Убайдуллақызы (80 келі), Хамза Мақсатұлы (75 келі), Бибарыс Әшірбай (70 келі) чемпион атанды.

Ал Камила Оспанова (70 келі), Жалғас Өтебеков (90 келі), Тимур Тайбеков (80 келі), Владислав Саможонов (90 келіден жоғары) күміс медаль алды.

Ал Ақнұр Тұрсынғали (57 келі), Зарина Толыбай (75 келі), Нұрсұлтан Қыстаубай (85 келі) жарысты қола жүлдемен аяқтады.

Айта кетейік, Дакардағы жазғы жасөспірімдер Олимпиадасына лицензия үлестірілетін бәсекеде әлемнің 78 мемлекетінен 500-ге жуық боксшы сынға түсті.

Таиланд астанасы Бангкок қаласындағы жарыстың жартылай финалы мәресіне жетті.

Бүгін Ақнұр Тұрсынғали (57 келі), Зарина Толыбай (75 келі), Нұрсұлтан Қыстаубай (85 келі) қола жүлдегер атанды.

70 келі. А рингі. 1/2 финал

Камила Оспанова - Марлей Макнили (АҚШ) - 3:2

80 келі. В рингі. 1/2 финал

Айдана Убайдуллақызы - Зи Мей Анх Дам (Вьетнам) - 1-раундта техникалық нокаутпен жеңді

60 келі. А рингі. 1/2 финал

Досжан Жұмақан - Давид Харутюниан (Франция) - 4:1

70 келі. А рингі. 1/2 финал

Бибарыс Әшірбай - Марован Жафри (Марокко) - 5:0

90 келі. А рингі. 1/2 финал

Жалғас Утебеков - Энтони Пати (Самоа) - 5:0

75 келі. В рингі. 1/2 финал

Хамза Мақсатұлы - Исмайл Оразмурадов (Түркіменстан)

80 келі. А рингі. 1/2 финал

Тимур Тайбеков - Усман Капаров (Қырғызстан) - 5:0

57 келі. А рингі. 1/2 финал

Ақнұр Тұрсынғали - Брижана Епперсон (АҚШ) - қарсылас 3-раундта айқын басымдықпен жеңді

75 келі. А рингі. 1/2 финал

Зарина Толыбай - Майсса Кермезиан (Франция) - 0:5

85 келі. В рингі. 1/2 финал

Нұрсұлтан Қыстаубай - Ангел Бланкарт Велазгес (АҚШ) - 2-3

Бүгін, 13 наурыз күні Таиланд астанасы Бангкок қаласында ширек финалдық бәсекелер өтті. 1/4 финалдың қорытындысы бойынша, 10 отандасымыз жартылай финалға шықса, 1 боксшымыз финалда айқасады.

70 келі. А рингі. 1/4 финал.

Бибарыс Әшірбай - Асанте Ламар (АҚШ) - 3:2

85 келі. В рингі. 1/4 финал

Нұрсұлтан Қыстаубай - Жахонгир Рузибоев (Тәжікстан) - 1-раундта айқын басымдықпен жеңді

57 келі. В рингі. 1/4 финал

Ақнұр Тұрсынғали - Бесма Бахри (Алжир) - 4:0

60 келі. А рингі. 1/4 финал

Досжан Жұмақан - Кристиан Харасник (Словакия) - қарсылас салмақ өлшеу рәсімінен өте алмады

75 келі. А рингі. 1/4 финал

Хамза Мақсатұлы - Исфандиор Хасимов (Тәжікстан) - 1-раундта техникалық нокаутпен жеңді

80 келі. А рингі. 1/4 финал

Тимур Тайбеков - Тронг Тиен Нгуен (Вьетнам) - 2-раундта техникалық нокаутпен жеңді

60 келі. В рингі. 1/4 финал

Жасмин Абрамян - Лиз Тейссен (Нидерланд) - 1:4

50 келі. В рингі. 1/4 финал

Арман Мырсабит - Михайло Сидоренко (Украина) - 2:3

65 келі. А рингі. 1/4 финал

Айсұлу Мұхит - Лаурин Илмор (АҚШ) - 0:5

Бокстан 2025 жылғы Қазақстан чемпионатында жарқ етіп шыққан жаңа есімдердің бірі - Сұлтан Айбарұлы. Семейдегі ел біріншілігінде ол тәжірибелі боксшы Әбілхан Аманқұлды жеңіп, кейін Үндістандағы әлем Кубогында топ жарды. Қазақстан бокс федерациясына берген сұхбатында жас боксшы спорттағы жолы мен алдағы мақсаттары туралы айтып берді.

23 ақпан – 1 наурыз аралығында өткен «Странджа» турнирінің ширек финалында әлем чемпионы Акмалжон Исроиловқа жалынды қарсылық көрсете білдіңіз. Жалпы Болгария сапары сіз үшін қаншалықты пайдалы болды?

Иә, ¼ финалда Өзбекстан боксшысынан есе жібердім. Жекпе-жек өте тартысты өтті. Бірінші раундта басымдық менде болды, бірақ кейін физикалық дайындық жағынан сәл жетпей қалды. Осы жағынан жұмыс жасау керектігін түсіндім. «Странджа» турнирі мен үшін үлкен тәжірибе болды. Өйткені мықтылармен шыққанда ғана өзіңнің әлеуетіңді байқай аласың. Алдағы жарыстарда үлкен жетістіктерге жететініме сенімдімін.

Болгарияға өзге елдердің бірінші нөмірлі спортшылары келді ғой. Шетелдік боксшылардың сіз байқаған басты артықшылығы қандай деп ойлайсыз?

• 2025 жылы Болгариядағы бәсекеге 20 ел қатысса, биыл 31-ге дейін көбейді. АҚШ, Өзбекстан, Украина, Англия және т.б елдердің мықты былғары қолғап шеберлері келді. Жалпы барлық елдің спортшылары тыңғылықты дайындықпен келгендері көрініп тұр. Себебі, 2026 жылы әр құрлықтың 4 жылда бір өтетін Азия ойындары, Достастық ойындары секілді маңызды жарыстары бар. 

Сіздің есіміңіз алғаш рет БАҚ беттерінде 2025 жылы Семейде өткен Қазақстан чемпионатында аталды. Сол сәтте сіз ширек финалда жаһандық доданың күміс жүлдегері, Токио Олимпиадасының қатысушысы Әбілхан Аманқұлды жеңіп кеттіңіз. Сол жайында айта аласыз ба?

• Ия, мен үшін 2025 жыл олжалы болды. 85 келіде Әбілхан Аманқұл ағамызбен жұдырықтастық. Тәжірбиесі мол боксшы. 75 келіде біраз жетістіктерді бағындырған. Жекпе-жек оңай болмады. Бірақ ағамыздың ол кезде салмағы 80 келіге де жетпегенін айтуымыз керек. Оның үстіне Әбілхан Аманқұл біраз жылдық үзілістен соң, ел чемпионатында жұдырықтасты. 

Ел біріншілігінен кейін Үндістанда сенсация жасап, әлем Кубогының финалдық кезеңінде топ жардыңыз. Өзіңіз ересектер сапындағы ірі жарысқа баратыныңызды және жеңісіңізді қалай бағаладыңыз?

• Қазақстан чемпионатынан кейін бір ай болмай жатып, Әлем кубогына баруға жолым түсті. Сол сәтте мүмкіндік берген Қайрат Сәтжанов ағайымызға алғыс айтамын. Үндістанда Оңтүстік Корея мен Өзбекстанның екінші нөмірлі боксшысын жеңіп, топ жардым. Әрине, кез келген жарыста чемпион атану жақсы эмоция сыйлайды.

Көптеген спортшылар боксқа дейін өзге спорттарда бағын сынап, кейін боксқа ауысып жатады. Сіз бокс жолына қалай келдіңіз?

• Боксқа өз-өзімді қорғау үшін келген едім. Сол себепті 11 жасымда боксқа келдім. Алғашқы жарыстарда жүлде алғаннан кейін, бұл спортқа деген қызығушылығым одан сайын арта түсті.

Кәсіби түрде спортпен айналысуды екінің бірі таңдай бермейтіні анық. Сіздің осы жолды қууыңызға не әсер етті? Өзіңіздің ойыңызша, сіздің өзге боксшылардан қарағанда қандай ерекшелігіңіз бар деп ойлайсыз?

• Мен үшін бокс жолы ауыр жолдармен келе жатыр. Оңай спорт емес.Осыншама уақыт бойы келіп, мақсатыма жетпей қоя салу менікі емес! Түбінде арман-мақсатыма жетуге барымды саламын.

Қазір ел ішінде 85 келіде нақты көшбасшы болмай тұр. Қазақстан чемпионы Дәулет Төлемісов 90 келіге көтерілді. Әлем чемпионы Бекзат Нұрдәулетов мансабын аяқтады. Нұрбек Оралбайдың да Олимпиада бағдарламасына кірмейтін салмақта ұзақ уақыт аялдауы екіталай. Өзіңіз бұл салмақтағы бәсекелестікті қалай бағалайсыз? Осы салмақта тұрақтайсыз ба?

• Әзірге осы 85 келіде тұрақтаймын. Алдағы мақсатым – 2027 жылы Астанада өтетін әлем чемпионатына қатысу.

2026 жылдан бері ұлттық құрама сапында жаттығып жүрсіз. Сізді алғашқы оқу-жаттығуында не таңғалдырды?

• Оқу-жаттығуында таңғаларлық ештеңе жоқ. Өзіміздің істеп жүрген жұмысымыз болғаннан кейін бейімделіп кету қиынға түспеді.

Ұлттық құрама сапында кіммен жақсы араласасыз?

• Ұлттық құрама сапында Дәулет Төлемісов, Бағлан Кенжебек, Фарух Тоқтасынов, Нұрбек Мурсал, Данияр Рахымбердиев, Нұрзат Оңғаров, Алмат Абдуали бауырларыммен жақсы араласамын.

Бокстан тыс уақытта немен айналысқанды ұнатасыз?

• Бокстан тыс уақытта сериал көргенді және психологиялық кітаптарды оқығанды ұнатамын.

Алдағы бір-екі жылға қойған нақты мақсатыңыз қандай?

• Алдағы уақытта Азия, Әлем чемпионатында топ жаруды көздеймін.

Сұхбатыңызға рақмет!

Бүгін, 12 наурыз күні Таиланд астанасы Бангкок қаласындағы жарыста 8 отандасымыз шаршы алаңға шықты.

Аса ауыр салмақта Владислав Саможонов жартылай финалда АҚШ өкілінен басым түссе, қалған 6 боксшымыз ширек финалға шықты. Ал турнирде жарқын жекпе-жектерімен есте қалған Даниал Шалқарбай өкінішке қарай, жарыс жолын аяқтады.

57 келі. А рингі. 1/8 финал.

Ақнұр Тұрсынғали - Кесиа Рили (Италия) - 3:2

60 келі. А рингі. 1/8 финал

Жасмин Абрамян - Айано Мочи (Жапония) - 5:0

70 келі. В рингі. 1/8 финал

Бибарыс Әшірбай - Джунхю Ю (Оңтүстік Корея) - 1-раундта техникалық нокаутпен жеңді

65 келі. А рингі. 1/8 финал

Айсұлу Мұхит - Тиана Рю (Аустралия)

75 келі. В рингі. 1/8 финал

Хамза Мақсатұлы - Жидеон Сансон Таулиалиа (Аустралия) - 3:0

80 келі. А рингі. 1/8 финал

Тимур Тайбеков - Асилбек Абдусамадов (Өзбекстан) - 4:1

+90 келі. В рингі. 1/2 финал

Владислав Саможонов - Калеб Стюарт Рейд (АҚШ) - 2-раундта қарсыластың қабағының жарылуына байланысты отандасымыз мерзімінен бұрын жеңіске жетті

65 келі. В рингі. 1/8 финал

Даниал Шалқарбай - Ростислав Хородинский (Украина) - 1:4

Айта кетейік, Дакардағы жазғы жасөспірімдер Олимпиадасына лицензия үлестірілетін бәсекеде әлемнің 78 мемлекетінен 500-ге жуық боксшы сынға түсіп жатыр.

Көпшілік спортшылар бокспен бала кезден айналысады. Ал Даниал Сәбит бұл спортқа 16 жасында ғана келген. Соған қарамастан ол аз уақыт ішінде Қазақстан чемпионы атанып, халықаралық турнирлерде топ жарып үлгерді. Осы орайда Софиядағы «Странджа» турнирінің жеңімпазы Даниал Сәбит өзінің спорттық мансабы туралы айтып берді.

Даниал, сізді бокс секциясына кеш келді деп естідім. Осы бойынша айтып бере аласыз ба?

• Боксқа секциясына 16 жасымда бардым. Ол 2018 жылдың қыркүйегі еді. Бокс тілімен айтсақ, өте кеш. Бірақ бұл менің жетістіктеріме жетуге кедергісін тигізбеді. 2019 жылы жастар арасында Қазақстан чемпионы, 2020, 2024, 2025 жылы ересектер арасында Қазақстан чемпионы атандым. 2021 жылы Азия чемпионатының күміс жүлдесін еншіледім. Шынымды айтсам, боксқа арман қуып емес, жай ғана спортпен шұғылдану мақсатында қатыстым. 

Неге дәл осы боксты таңдадыңыз? Оған дейін басқа спорттармен шұғылданып па едіңіз?

• Оған дейін күреске барғанмын. Алайда құжат жинау керек болды. Оған уақыттың ыңғайы болмай, құжаттарды жинамадым. Содан күреске бармай қалдым. Ал боксқа қатысу үшін басында ешқандай құжат керек болмады және ең бастысы, тегін болды. Сол үшін боксты таңдадым.

Ең алғашқы қатысқан жарысыңызды еске түсіре аласыз ба?

• Ең алғашқы жарысым бокстан жастар арасындағы Батыс Қазақстан облысының чемпионаты. Боксқа келгеннен кейін 3 айдан кейін болды. Сол жарыста 2 жекпе-жек өткізіп жеңімпаз атанып, ел чемпионатына жолдама алған едім. Одан кейін 2019 жылдың ақпан айында Шымкентте өткен жастар арасындағы Қазақстан чемпионатында 46 келіде бақ сынап, топ жардым.

Сіз үшін Қазақстандағы ерекше сәт - алғаш рет ересектер арасында ел чемпионы болған сәтіңіз деп айтуға бола ма?

• Иә, дәл солай. Себебі, 2020 жылы 23 қараша күні мен 18 жасқа толып, ресми түрде ересектер арасындағы Қазақстан чемпионатында жұдырықтасуға мүмкіндік алдым. Оның үстіне туған күнім ел біріншілігінің басталуымен тұспа-тұс келді. Өзім сынға түскен 49 келіде басты фаворит сол сәтте 5 мәрте қатарынан Қазақстан чемпионатын жеңген Теміртас Жүсіпов саналды. Финалда ағамыз әрі бала кездегі кумирімнен басым түсіп кеттім.

World Boxing ұйымы жаңа салмақтарды енгізгелі Теміртас Жүсіповтың 50 келіде жұдырықтасуға қиналатындығы мен Сәкен Бибосыновтың 55 келіге көтерілгеніне куә болдық. Қазіргі сәтте өзіңізді бұл салмақта қалай сезінесіз? Салмақ қуу жағынан қиындық туындамай ма?

• Салмақ қуу қиындау әрине. Алайда қууға болады, аса бір салмақ ауыстыратындай емес.

Сіз Қазақстан чемпионы атансаңыз да, 2021, 2023, 2025 жылғы әлем чемпионатында Санжар Тәшкенбай мен Теміртас Жүсіпов бақ сынап, 3 алтын және 1 қола медаль еншіледі. Сол сәттерде сіздің бару мүмкіншілігіңіз қандай еді? Спаррингте жолдамаға таласып па едіңіз?

• 2021 жылы Сербиядағы әлем чемпионатының алдында бір рет Теміртас ағамызбен спарринг өткізген болатынбыз. Төрешілер шешімімен Теміртас ағаны жеңімпаз деп танып, сол кісі кетті. Артынша Белградта топ жарды.2022 жылы мен 51 келіге көтерілдім. Ол салмақта 2023 жылы Токио Олимпиадасының қола жүлдегері, әлем чемпионы Сәкен Бибосынов барды. 2025 жылы Ливерпульде Санжар Тәшкенбай 2 дүркін әлем чемпионы атанды. Ал 2025 жылдың желтоқсан айында Дубайдағы жаһандық додада жүлдеге бір қадам жетпей, ширек финалда сүріндім.

World Boxing ұйымы Лос-Анджелес Олимпиадасының салмақтар санатын өзгертіп жіберді. Кез келген спортшының арманы Олимпиада тұғырында тұру екендігін ескерсек, сізге бұл хабар қаншалықты әсер етті? Алдағы уақыттағы мақсатыңызды айта аласыз ба?

• Алдағы жылдары көреміз.Дәл қәзір ештеңе белгісіз.

Сіз жақында ғана Болгариядағы «Странджа» турниріне бардыңыз. Осындай халықаралық жарыстар боксшыға қандай пайдасын береді деп ойлайсыз?

• Өткізген оқу-жаттығу жиынын қорытындылау, шыңдау. Тәжірибе жинауға пайдасы көп. Ресми жарыста 2 ғана жекпе-жек өткізіп, жеңіске жетсем де, күнделікті жаттығуда шетелдіктермен спаррингке шықтым.

Сіздің боксшы ретінде мықты қасиетіңіз қандай деп санайсыз?

• Физикалық күш және мінез деп санаймын.

Бокста сіз үшін үлгі тұтатын спортшы бар ма?

• Геннадий Головкин. Ол кісінің қандай қасиеттерін бағалаймын? Біріншіден, еңбекқорлық. Әуесқой бокста 2003 жылы әлем чемпионы және Афина Олимпиадасында күміс жүлдені еншілесе де тоқтамады. Өмірін кәсіпқой боксқа бұрып, ұзақ әрі қиын жол арқылы үлкен тұғырды бағындыра білді. Екіншіден, қарапайымдылық. Ағамыз әлемде ең танымал спортшының бірі болса да, адамгершілігін жоғалтпады. Үнемі ірі жарыстарда отандастарымызды жігерлендіріп, қолдап жүреді.

Париж Олимпиадасынан кейін бокстан ұлттық құрамамыз үлкен өзгеріске ұшырап, шетелдік мамандар шақыртылды. Сіздің ойыңызша, АҚШ-тан келген ағайынды Камачолардың жаттығуы қаншалықты пайдасын тигізіп жатыр?

• Физикалық тұрғыда жақсы көмектесіп жатыр. Ірі жарыстарда байқасаңыздар, боксшыларымыз шаршамайды. 3 раунд бойы жоғары қарқынмен айқасады. Соның арқасында 2025 жылы Ливерпульде ерлер құрамасы 4 бірдей алтын медальді жеңіп алды.

Бос уақытыңызда қалай өткізесіз?

• Жақын адамдарыммен бірге уақыт өткізген ұнайды.

Ұлттық құрамада кімдермен жақсы араласасыз?

• Жалпы көбімен араласамын. Олардың арасынан Мұхаммедсабыр Базарбайұлы және Оразбек Асылқұловпен жақсы қарым-қатынастамын.

Сұхбатыңызға рақмет!

Бүгін, 11 наурыз күні Таиланд астанасы Бангкок қаласындағы жарыста 6 отандасымыз шықты, деп хабарлайды Sport12.kz

50 келідегі Арман Мырсабит екі жекпе-жек қатарынан қарсыласын мерзімінен бұрын жеңді. Ал аса ауыр салмақтағы Владислав Саможонов ерлер құрамасынан алғаш болып, жартылай финалға жолдама алды.

Ал 60 келідегі Досжан Жұмақан 2025 жылы Иорданияда өткен жасөспірімдер арасындағы Азия чемпионатының финалында Бобомурод Боймирзаевты жеңген еді. Осы жолы қос боксшының жолы ерте түйісті. Отандасымыз 3 раунд бойы ширақ қимылдап, кезекті рет мерейі үстем болды.

70 келі. В рингі. 1/16 финал

Бибарыс Әшірбай - Анас Абсоул (Иордания) - 2-раундта техникалық нокаутпен жеңді.

+90 келі. А рингі. 1/4 финал

Владислав Саможонов - Ти Ани Рекит (Жаңа Зеландия) - 2-раундта техникалық нокаутпен жеңді. 

50 келі. В рингі. 1/8 финал

Арман Мырсабит - Абдрахим Овузгулиев (Түркіменстан) - 1-раундта техникалық нокаутпен жеңді.

60 келі. А рингі. 1/8 финал

Досжан Жұмақан -Бобомурод Боймирзаев (Өзбекстан) - 4:1

75 келі. В рингі. 1/16 финал

Даниял Шалқарбай - Сонни Мередиз (Канада) - 2-раундта техникалық нокаутпен жеңді. 

6-жұп. 55 келі. А рингі. 1/16 финал.

Едіге Нұрқожа - Абдурасул Арсланов (Түркіменстан) - 0:5

Айта кетейік, Дакардағы жазғы жасөспірімдер Олимпиадасына лицензия үлестірілетін бәсекеде әлемнің 78 мемлекетінен 500-ге жуық боксшы сынға түсіп жатыр.

Бүгін, 10 наурыз күні Таиланд астанасы Бангкок қаласындағы жарыста 5 отандасымыз өнер көрсетті.

50 келі. В рингі. 1/16 финал
Арман Мырсабит - Шалва Беридзе (Грузия) - 2-раундта техникалық нокаутпен жеңді.

60 келі. В рингі. 1/16 финал
Жасмин Абрамян - Мария Горзеланна (Польша) - 4:1

51 келі. 1/16 финал
Айым Танкибаева - Назокат Мардонова (Өзбекстан) - 0:5

54 келі. В рингі. 1/8 финал
Марал Төлепберген - Джойшри Деви Широм (Үндістан) - қарсылас 3-раундта айқын басымдықпен жеңді.

Асылай Мұрат - Мафтуна Мусурмонова (Өзбекстан) - отандасымыз жарыстан шеттетілді.