Бокстан 3-15 мамыр аралығында Өзбекстан астанасы Ташкентте U15 және U17 санатында сары құрлық додасы өтеді.

Назарларыңызға U15 санаты бойынша 30 жерлесіміздің бастапқы қарсыластарын ұсынамыз. Бұл санатта 114 ұл және 69 қыз тіркелген.

U15. Қыздар

33 келі. 4 қатысушы
1/2 финал
Аяжан Марат - Акшита (Үндістан)
35 келі. 4 қатысушы
1/2 финал
Айша Насанова - Сарвиноз Зоирова (Өзбекстан)
37 келі. 5 қатысушы
1/4 финал
Нұржанат Бекназар - Адеми Ибишова (Қырғызстан)
40 келі. 4 қатысушы
1/2 финал
Диана Мендигараева - Сония (Үндістан)
43 келі. 4 қатысушы
1/2 финал
Сезім Нұрлыбек - Танви (Үндістан)
46 келі. 5 қатысушы
1/2 финал
Сабрина Адилханова - Виолетта Торое (Қырғызстан)
49 келі. 7 қатысушы
1/4 финал
Ксения Егорова - Зебинисо Абдуллаева (Өзбекстан)
52 келі. 5 қатысушы
1/4 финал
Самал Төлепберген - Дурдона Хайриддинова (Өзбекстан)
55 келі. 7 қатысушы
1/4 финал
Аруна Шалман - Нитиа Пандев (Үндістан)
58 келі.  4 қатысушы
1/2 финал
Ардақ Абдихан - Сунайна (Үндістан)
61 келі. 4 қатысушы
1/2 финал
Айару Файзуллаева - Зухра Исмаилова (Өзбекстан)
64 келі. 5 қатысушы
1/2 финал
Ясмин Джаутханова - Танви (Үндістан)
67 келі. 3 қатысушы
1/2 финал
Нұргүл Сахи - Ашви (Үндістан)
70 келі. 3 қатысушы
1/2 финал
Еркеназ Ерболқызы - Хонзодабегим Баратова (Өзбекстан)
+70 келі. 3 қатысушы
Көркем Ғалым финалда Үндістан немесе Өзбекстан боксшысын күтеді.

U15. Ұлдар

33 келі. 6 қатысушы
1/2 финал
Саят Рахымберді Үндістан немесе Өзбекстан боксшысын күтеді.
35 келі. 7 қатысушы
1/4 финал
Жақсылық Ермекұлы - Достон Комилов (Өзбекстан)
37 келі. 8 қатысушы
1/4 финал
Сұлтанғали Нұрмахан - Юзе Чен (Тайпей)
40 келі. 9 қатысушы
1/8 финал
Саят Меңдібай - Чеол Ву Парк (Оңтүстік Корея)
43 келі. 12 қатысушы
1/4 финал
Бейбарыс Қойшыбай Иран немесе Оңтүстік Корея боксшысымен жұдырықтасады.
46 келі. 10 қатысушы
1/4 финал
Ниет Өмірзақов Түркіменстан немесе Оңтүстік Корея боксшысымен жұдырықтасады.
49 келі. 12 қатысушы
1/8 финал
Бақдәулет Ахмет - Паршант (Үндістан)
52 келі. 5 қатысушы
1/4 финал
Әли Абделі - Жавохир Нематжонов (Өзбекстан)
55 келі. 8 қатысушы
1/4 финал
Нұрислам Бақтыбаев - Пархам Мишаман (Иран)
58 келі. 9 қатысушы
1/4 финал
Мейірлан Бейсенхан Қырғызстан немесе Үндістан боксшысымен жұдырықтасады.
61 келі. қатысушы
1/4 финал
Рауан Тоғызбай - Илья Мехраби (Иран)
64 келі. 5 қатысушы
1/2 финал
Дінмұхамед Молдахан Қырғызстан немесе Өзбекстан боксшысымен жұдырықтасады.
67 келі. 4 қатысушы
1/2 финал
Аманжан Жанай - Бобур Ниязов (Өзбекстан)
70 келі. 5 қатысушы
1/4 финал
Аян Бауыржан - Мехул Рана (Үндістан)
+70 келі. 6 қатысушы
1/2 финал
Айбын Мажит Қырғызстан немесе Тәжікстан боксшысымен жұдырықтасады.

3-15 мамыр аралығында Ташкент қаласында жасөспірімдер арасында Азия чемпионаты өтеді.

Аға жаттықтырушы Бағдат Оңғарбековтің жетекшілігімен Ташкенттегі Азия чемпионатында ел намысын қорғайтын боксшылар

46 келі. Аян Жандосұлы

48 келі. Рамазан Әлібек

50 келі. Нұрасыл Ғалым

52 келі. Бекхан Уразбай

54 келі. Әділет Галиев

57 келі. Нұрислам Оңалбек

60 келі. Эмир Мухит

63 келі. Мейіржан Жүніс

66 келі. Ислам Сулейманоглы

70 келі. Нұрасыл Оразәлі

75 келі. Төрехан Қанатбай

80 келі. Алибек Алпамыс

+80 келі. Сабыржан Сағым

Қазақстан U17 қыздар құрамасы

46 келі. Милана Иншина

48 келі. Шұғыла Жарас

50 келі. Хатшепсут Садвакасова

52 келі. Лашын Дәулетжан

54 келі. Гүлбану Бекмұрат

57 келі. Розалия Вайдеман

60 келі. Балым Ғабитқызы

63 келі. Алина Кожевникова

66 келі. Аяулым Оспанова

70 келі. Айлин Ходжамбердиева

75 келі. Диана Надырбек

80 келі. Жансая Ержан

+80 келі. Эльнура Қоңырат

Аға жаттықтырушы - Айбек Әбілда

3-15 мамыр аралығында Ташкент қаласында жасөспірімдер арасында Азия чемпионаты өтеді.

Аға жаттықтырушы Жақсылық Молдахановтың жетекшілігімен біріншілікте бақ сынайтын Қазақстан U15 құрамасы

33 келі. Саят Рахымберді

35 келі. Жақсылық Ермекұлы

37 келі. Сұлтанғали Нұрмахан

40 келі. Саят Меңдібай

43 келі. Бейбарыс Қойшыбай

46 келі. Ниет Өмірзақов

49 келі. Бақдәулет Ахмет

52 келі. Әли Абделі

55 келі. Нұрислам Бақтыбаев

58 келі. Мейірлан Бейсенхан

61 келі. Рауан Тоғызбай

64 келі. Дінмұхамед Молдахан

67 келі. Аманжан Жанай

70 келі. Аян Бауыржан

+70 келі. Айбын Мажит

Азия чемпионатына қатысатын 15 жасқа дейінгі қыздар

командасы

33 келі. Аяжан Марат

35 келі. Айша Насанова

37 келі. Нұржанат Бекназар

40 келі. Диана Мендигараева

43 келі. Сезім Нұрлыбек

46 келі. Сабрина Адилханова

49 келі. Ксения Егорова

52 келі. Самал Төлепберген

55 келі. Аруна Шалман

58 келі.  Ардақ Абдихан

61 келі. Айару Файзуллаева

64 келі. Ясмин Джаутханова

67 келі. Нұргүл Сахи

70 келі. Еркеназ Ерболқызы

+70 келі. Көркем Ғалым

Аға жаттықтырушы - Айбек Әбілда

Қазақстандық боксшы Сұлтанбек Айбарұлы қысқа уақыт ішінде екі мәрте әлем кубогының чемпионы атанып, тарихи жетістікке қол жеткізді. Ол Бразилиядағы жарыс, қиын жағдайларға бейімделу, жеке өміріндегі өзгерістер және алдағы мақсаттары туралы ойымен бөлісті.

Әлем кубогында 2 мәрте чемпион атанған алғашқы Қазақстан боксшысы ретінде тіркелдіңіз. Қандай сезімдесіз?

• Ұзақ жылдық жаттығудың жемісі - жеңіс тұғырында медаль тағу деп санаймын. Сондықтан еңбегімнің ақталып жатқанына қуаныштымын. Өздеріңіз білетіндей, 2025 жылы Семейде өткен Қазақстан чемпионатында күміс жүлде алып, халықаралық жарыстарға жол ашылды. Жарты жылдың ішінде Үндістандағы финалдық әлем кубогы мен Бразилиядағы әлем кубогында топ жардым. Ал ақпан айында «Странджа» турнирінде әлем чемпионы Акмалжан Исроиловты алғашқы раундта жеңгенімен, басымдықты ұстай алмадым. Бірақ сол жекпе-жек үлкен тәжірибе болды. Әр жарыс сайын өзімнің шеберлігімді өсіре беремін деген сенімдемін.

Бразилиядағы әлем кубогына басталуына 2 күн ғана қалғанда бардыңыздар. Климат пен уақыт айырмашылықтарына қаншалықты тез бейімделдіңіздер? 

• Әсері болды, оны жасыруға болмайды. 9 сағаттық айырмашылық, 30 градус ыстық - ағзаға оңай емес. Бірақ кәсіби спортта мұндай жағдайларға дайын болуың керек. 2–3 күнде бейімделіп үлгердік. Оның үстіне рингке шыққанда бәрін ұмытып, тек жекпе-жекке назар аударасың.

Бразилиядағы әлем кубогына рекордтық 50 ел қатысты ғой. Сіздің салмағыңыздағы бәсекелестік қалай болды? Қай жекпе-жек қиынға түсті?

• Сырттан қарағанда оңай көрінуі мүмкін. Алайда әр жекпе-жектің артында үлкен еңбек жатыр. Италия, Германия, Бразилия боксшыларымен кездестім. Бәрі де мықты. Әрқайсысы өзінше қауіпті. Сондықтан «жеңіл өтті» деп айта алмаймын.

85 келіде сіз қарсыластарыңыздан қарағанда бойыңыз бен қолыңыз әлдеқайда ұзын болып көрінеді. Жұдырықтасу барысында осы тәсіліңіз артықшылық берді ме?

• Иә, сол артықшылықты барынша қолдануға тырысамын: арақашықтық сақтау, қарсыласты жақындатпау. Бірақ тек физикалық параметрге сеніп қалуға болмайды. Техника мен тактика бәрібір бірінші орында тұрады.

Жақында ғана отбасын құрдыңыз. Жеке өміріңіздегі жаңалық спорттық мансабыңызға қаншалықты әсер етіп жатыр?

• Шынымды айтсам, оң әсер етті. Үйленгеннен кейін жауапкершілік артты. Қазір тек өзім үшін емес, отбасым үшін де еңбек етіп жүрмін. Соның нәтижесі шығар, алғашқы жарысымда-ақ жеңіспен оралдым.

Бразилиядағы әлем кубогынан біраз уақыт тынығасыздар ма? Алдағы жоспарыңызда қандай жарыс бар?

• Елге барғаннан кейін аздап тынығып, келесі оқу-жаттығу жиынына аттанамын. Жоспарға келетін болсақ, оны бас бапкер шешеді. Менің міндетім - артылған сенімді ақтап, 85 келіде көшбасшы екенімді дәлелдеу.

Ел ішінде көп боксшылар салмақ ауыстырып, қазірден Азия ойындары мен Олимпиадаға дайындалып жатыр ғой. Сіз де таласып көруге тырыспайсыз ба?

• Ересектер арасында спорттық жолым енді ғана басталып жатыр. Біріншіден, 85 келіде өзімді дәлелдеуге тиіспін. Қазіргі салмағымда да әлем кубогы, әлем чемпионаты, Азия чемпионаты сынды ірі жарыстарда үздік болуым керек. Қалғаны уақыт еншісінде деп санаймын.

Бразилияның Фос-ду-Игуасу қаласында World Boxing федерациясының ұйымдастыруымен өткен Әлем кубогының кезеңі аяқталды.

Финалдық кезеңнің кешкі сессиясында үш боксшымыз алтын жүлде үшін жұдырықтасты. 80 келіден жоғары салмақта Валерия Аксенова Венгрия өкілі Жофия Сирамен кездесіп, 5:0 есебімен айқын басымдықпен жеңіске жетті. 

Сұлтанбек Айбарұлы 85 келіге дейінгі салмақта бразилиялық Кауе Белинимен қолғап түйістірді. Нәтижесінде отандасымыз 4:1 есебімен басым түсті.

Ал 65 келіге дейінгі салмақта Аида Әбікеева өзбекстандық Навбахор Хамидоваға 5:0 есебімен жол берді. Нәтижесінде ұлттық құрама қоржынында үш алтын, бір күміс және үш қола медаль бар.

Айта кетейік, бұған дейін Виктория Графеева (60 келіге дейін) жеңімпаз атанса, Алуа Балқыбекова (51 келіге дейін), Жібек Жарасқызы (80 келіге дейін), Диас Молжігітов (80 келіге дейін) жарысты қола жүлдемен аяқтады. Осылайша ұлттық құрама жалпы командалық есепте үшінші орынға жайғасты. Бірінші орынға Бразилия ие болса (4 алтын, 5 күміс), екінші орынға Қытай тұрақтады (4 алтын, 1 қола).

World Boxing федерациясының ұйымдастыруымен өтіп жатқан әлем кубогында 25 сәуір күні ел құрамасынан алты боксшы шаршы алаңға шықты.

Күндізгі сессия

80 келі. Жібек Жарасқызы - Эмилия Котерска (Польша) - 0:5

85 келі. Сұлтанбек Айбарұлы - Валериж Уолтер (Германия) - 5:0

60 келі. Виктория Графеева - Анета Элзивета Рыгельска (Польша) - 5:0

Кешкі сессия

65 келі. Аида Әбікеева - Ошин Дирию (Бельгия) - 4:1

51 келі. Алуа Балқыбекова - Ксиню Ки (Қытай) - 2:3

80 келі. Диас Молжігітов - Уондерлей Перейра (Бразилия) - отандасымыз жарақатына байланысты шықпады

Беделді бәсеке Бразилияның Фос-ду-Игуасу қаласында 20-26 сәуір аралығында өткізіліп жатыр.

World Boxing федерациясының ұйымдастыруымен өтіп жатқан әлем кубогында 24 сәуір күні ел құрамасынан сегіз боксшы шаршы алаңға шықты.

Беделді бәсеке Бразилияның Фос-ду-Игуасу қаласында 20-26 сәуір аралығында өткізіліп жатыр.

24 сәуір 1/4 финал

Күндізгі сессия

60 келі. Виктория Графеева - Мари ал Ахмади (Канада) - 5:0

70 келі. Фарух Тоқтасынов - Наби Исгандаров (Әзербайжан) - 2:3

85 келі. Сұлтанбек Айбарұлы - Паоло Карусо (Италия) - 4:1

Кешкі сессия

65 келі. Аида Әбікеева - Доуа Закки (Марокко) - 5:0

80 келі. Диас Молжігітов - Оладимеджи Шитту (Англия) - 3:2

51 келі. Алуа Балқыбекова - Дайана Мурхауз (Ирландия) - 5:0

50 келі. Даниял Сәбит - Иссам Бенсаяр (Марокко) - 0:5

75 келі. Санжарәлі Бегалиев - Саиджамшид Джафаров (Әзербайжан) - 1:4

World Boxing федерациясының ұйымдастыруымен өтіп жатқан әлем кубогында 23 сәуір күні  ел құрамасынан үш боксшы шаршы алаңға шықты.

Беделді бәсеке Бразилияның Фос-ду-Игуасу қаласында 20-26 сәуір аралығында өткізіліп жатыр.

Күндізгі сессия 

65 келі. Мұхаммедсабыр Базарбайұлы - Хуго Грау (Франция) - 2:3

51 келі. Алуа Балқыбекова - Златислава Чуканова (Болгария) - 4:1

Кешкі сессия 

65 келі. Аида Әбікеева - Виктори Жилкова (Чехия) - 5:0

World Boxing федерациясының ұйымдастыруымен өтіп жатқан әлем кубогында қазақстандық үш боксшы жарысты жалғастыруға мүмкіндік алды.

Ел құрамасынан әлем чемпионатының жүлдегері Виктория Графеева (60 келі) 1/8 финалда Емили Рзаевамен (Әзербайжан) жолықты.

Бұл жекпе-жекте шеберлік жағынан қос боксшының деңгейі едәуір білінді. Отандасымыз алғашқы минуттан толықтай басымдыққа ие болып, нәтижесінде төреші 2-раундтың бел ортасында айқасты тоқтатты. Виктория қарсыласын техникалық нокаутпен жеңді.

Ал Даниал Сәбит (50 келі) 1/8 финалда Мажарстан өкілі Иштван Шзакамен кездесті.

Алғашқы раундта қарсылас жылдам әрі дәл соққыларымен көзге түсіп, төрешілердің шешімін өзіне аударған еді. Әйтсе де отандасымыз қалған уақытта қарқынын арттырып, 3:2 есебімен жеңісті жұлып алды.

Сондай-ақ ел құрамасынан Диас Молжігітов аустралиялық Марлон Севехонды 4:1 есебімен жеңіп, ширек финалға өтті

Ал Әлем чемпионы Наталья Богданова (70 келіде) 1/8 финалда Олимпиада чемпионы, жоғары салмаққа ауысқан Бусеназ Сюрменелимен (Түркия) қолғап түйістірді.

Қос боксшы да дамылсыз соққыларымен алға ұмтылумен болды. Нәтижесінде спортшылар алма-кезек басымдыққа ие болды. Ал шешуші раундта Бусеназ Сюрменели қарсыласты күтіп алу, аяқпен шебер жұмыс істеу секілді компоненттерде басымдық танытып, 4:0 есебімен жеңімпаз деп танылды.

Одан бөлек, 70 келідегі Фарух Тоқтасынов әлем чемпионы, осы салмақтың басты фавориті саналған Севон Окадзаваны (Жапония) 3:2 есебімен жеңіп кетсе, 3 дүркін әлем чемпионы, 54 келіге көтерілген Назым Қызайбай күтпеген жерден польшалық Виктория Рогалинскаға есе жіберді.

Бразилияның Фос-ду-Игуасу қаласында өтіп жатқан World Boxing ұйымының Әлем кубогының бірінші кезеңінің екінші жарыс күнінде Қазақстаннан екі боксшы шаршы алаңға шықты.

55 келіге дейінгі салмақта Бағлан Кенжебек 1/16 финалда армениялық Жирайр Саргсянмен кездесіп, төрешілердің бөлінген шешімімен 2:3 есебімен жеңіліп қалды. Айта кетейік, үшінші раундта қазақстандық боксшы қарсыласын нокдаунға жіберген.

Ал 65 келіге дейінгі салмақта Мұхаммедсабыр Базарбайұлы тунистік Хассен Атиамен жұдырықтасып, төрешілердің бірауыз шешімімен 5:0 есебімен сенімді жеңіске жетті.

Еске салайық, бұл турнирде Қазақстан құрамасы бастапқыда 16 боксшымен (9 ер, 7 әйел) қатысуда.

Қазақстан ерлер құрамасының капитаны, жуырда Моңғолияда өткен Азия чемпионатында аса ауыр салмақта алтын медаль жеңіп алған Айбек Оралбай өз өнеріне баға беріп, алдағы жоспарларымен бөлісті.

Сіздер үнемі ірі жарыстарға бірге барып жүрсеңіздер де, Моңғолияда ғана екеуіңіз чемпион атана алдыңыздар. Осы сәтті қалай қабылдадыңыздар? Жасөспірім кездеріңізде де бірге чемпион болған сәттеріңіз көп болып па еді?

• Иә, Азия чемпионатында бір үйден чемпион атанып жатқан жайымыз бар. Бұған дейін 10-15 турнирде бірге топ жарған едік. Алайда ересектер арасындағы ірі жарыстар бірінші рет осындай жағдай тіркеліп отыр. Қуаныштымыз. Бұйырса, күзде өтетін жазғы Азия ойындары, 2027 жылы Астана төрінде, 2028 жылы Лос-Анджелес Олимпиадасында да осы жетістіктерімізді жалғастырсақ деген сенімдеміз.

Әуел бастан сіз аса ауыр салмақта Азия чемпионатының басты фавориты саналдыңыз. Жарысқа фаворит ретінде бару сізді босаңсытпай ма? Азия чемпионатындағы жекпе-жектерге көңіліңіз қаншалықты толады?

• Әлем чемпионы және 2 дүркін Азия чемпионы ретінде барған соң, міндетті түрде фаворит ретінде саналдым. Бұның артықшылығы – өз-өзіңе деген сенімділігің болады. Бірақ еш босаңсуға болмайды. Өйткені қарсыластар атағы бар боксшылармен барын салып жұдырықтасып, сенсация жасауға тырысады. Басқа салмақтарда да айқын фавориттердің жеңілгенін көрдік. Оның үстіне аса ауыр салмақта күтпеген бір соққы жекпе-жектің тағдырын шешіп кету ықтималдығы жоғары.

Бас бапкер Нұржан Насанов өз сұхбатында Нұрбек пен Айбек толықтай бабында болмады деді. Сіз де өзіңізді сары құрлық додасына 100% бабында болмадым деп ойлайсыз ба?

• Иә, біз бас бапкер Нұржан Насановқа физикалық дайындығымыздың толықтай 100% болмағанын алдын ала ескерттік. Шамамен 60-70 пайыз шамасында өз әлеуетімізді көрсеттік деп ойлаймыз. Бұйырса, қыркүйек айындағы жазғы Азия ойындарына сақадай cай боламыз. Өздеріңіз білетіндей, спортшы бір жылда 1-2 мәрте ғана дайындығының шыңына жетеді. 

2025 жылы әлем чемпионаты және 2026 жылы Азия чемпионатында да сіздің жекпе-жегіңіз жалпы есептегі бірінші орынның тағдырын анықтады. Бірақ сізге бұл фактор қатты әсер етпеген секілді?

• Әлем чемпионатында Өзбекстанмен боксшысымен өткен айқас жалпы есептегі бірінші орынның тағдырын шешті. Геннадий Головкин де өзінің ағалық кеңесін айтып, қолдауын танытқан еді. Нәтижесінде соңғы секундқа дейін жеңіс үшін аянып қалмай, еліміздің абыройын асқақтаттым. Сондай-ақ мен ерлер құрамасының капитаны ретінде әлем чемпионаты мен Азия чемпионатының шешуші жекпе-жектерінде жеңісім өзге жігіттерге психологиялық басымдық береді деп ойлаймын.

Бас бапкер Нұржан Насанов үшін өткен Азия чемпионаты үлкен сынақ болғаны түсінікті. Тіпті ол кісі түнімен қарсыластардың жекпе-жектерін көріп, зерттедім деді. Сіздерге ол кісінің ақыл-кеңестері қаншалықты көмегін тигізді?

• Нұржан ағамыз Азия чемпионатына бірінші рет келіп жатқан жоқ. Бірақ бас бапкер ретінде жауапкершілігі үлкен екенін білеміз. Күнделікті ағайымызбен қарсыластарымызды талқылап, зерттедік. Боксшы ретінде біз оған, бапкер ретінде ол кісі әр жекпе-жектегі жайттарды айтып отырды. Бірге атқарылған жұмыс өз жемісін берді. Нұржан ағамызға алғысымыз шексіз.

Азия чемпионаты, әлем кубоктары алдағы Азия ойындарына дайындық ретінде саналатындығы түсінікті. Осы орайда сіздің басты қарсыластарыңыздың бірі - Жахонгир Зокировтың АҚШ-та дайындалып жүргенін көрдік. Сіздер 3 мәрте кездесіп үлгердіңіздер ғой. Оның қарқыны артып жатқаны сезіле ме? Жапонияда одан да басқа қауіпті қарсыластар бар ма?

• 2026 жылдағы басты мақсатымыз – жазғы Азия ойындары. Бұйырса, жазда біз де АҚШ-қа жаттығуға барамыз. Жахонгирден бөлек те, басқа елдердің боксшылары осал емес. Ешкімді бөліп жармаймын. Ең бастысы, өзім толықтай бабымда болуға барымды саламын.

Сіз аса ауыр салмақта қаншалықты бейімделіп үлгердіңіз? Өзіңіздің салмағыңызды таптыңыз ба? Ел ішіндегі сізге лайықты спарринг қарсыластар табыла ма?

• Аса ауыр салмаққа ауысқаныма бір жылдан астам уақыт өтті. Әлі де бір-екі қателіктеріміз бар. Жарысқа шығатын салмағымызды анықтадық. Сол салмағымды ұстауға тырысамын. Ел ішінде де лайықты спарринг қарсыластар бар. Қазір Қазақстанда, шетелде де біріккен оқу-жаттығу жиындарында тәжірибе алмасып, өзімнің дайындығымды одан әрі жетілдіріп жатырмын. Мысалы, Азия чемпионатының алдында «Алматау» спорт базасында Германия боксшысымен спарринг өткіздік. Азия ойындарына дейін тағы бірнеше шетелдік боксшылармен дайындалу жоспарымызда бар.

Оқу-жаттығу жиыны мен жарыстарда ағайынды Оралбайлар мен ағайынды Сабырхандар үнемі бірге жүреді. Махмұд пен Төрехан ұлттық құрамадағы ең жақын достарыңыз деп санауға бола ма?

• Махмұдпен бірге 2018 жылдан бері бірге келе жатырмыз. Жастар арасында жаттықтық. Ересектер сапына бірге өттік. Төреханға туған ініміздей қарап, жастар құрамасында жүргенде ақыл-кеңестерімізді айтып жүретінбіз. Сол кездері Махмұд өз інісінің ересектер сапына қосылғанын күтіп жүретін еді. Міне сол күнге де жеттік. Ағайындылар ретінде де бір-бірімізге қолдауымызды аямаймыз. Алдағы уақытта төртеуіміз тарихи жеңістерді тіркейміз деген сенімдеміз. Өздеріңіз куә болғандай, 2025 жылы Ливерпульде ағайынды Сабырхандар әлем чемпионы атанып, ерекше жетістікті тіркеген болатын. Ұлттық құрамадағы басқа жігіттермен де қарым-қатынастарымыз жақсы. Ешкімді бөліп-жармаймыз.

Енді мамыр айында Өзбекстанда бірлескен оқу-жаттығу жиыны өтеді деп естідік. Оған дейін толық қалпыңызға келіп үлгере аласыз ба?

• Мамыр айына дейін құрамаға кішігірім демалыс берілді. Қазіргі сәтте отбасыммен біргемін. Одан кейін Өзбекстанға аттанамыз. Әлем кубогы да бар. Әлі босаңсуға ерте. Себебі, алда жазғы Азия ойындары бар.